ಕಾಯುವಿಕೆ

ಅಹೋ ರಾತ್ರಿ ಕನಸಿನಲ್ಲಿ ಮುತ್ತಿನ ಮಳೆ ಸುರಿಸುವ ನೀನು 

ಬೆಳಗಾಗುತ್ತಿದ ಹಾಗೆ ಎಲ್ಲಿ ಮಾಯವಾಗುತ್ತಿಯ

ಮತ್ತದೇ ಮುತ್ತಿಗಾಗಿ ಕಾದು ಕಾದು ಸೋಲುತ್ತಿರುವೆ

ಕಾಯುವಿಕೆಗೆ ಅರ್ಥವೇ ಇಲ್ಲ .

ನನ್ನವನ ಎದಿರು ನೋಡುತ್ತಾ

ನನ್ನದೇ ಕೋಣೆಯಲ್ಲಿ ನಾನು 

ನನ್ನ ಮನಸಿನಲ್ಲಿ ನನ್ನವ 

ಬೇರೆ ಮಾಡಲಾಗದ ಹಾಗೆ ಕುಳಿತಿದ್ದಾನೆ 

ಅವನಿಲ್ಲಿ ಬರುವುದೊಂದೇ ಬಾಕಿ 

ತಡವಾದರೂ ಬಂದೆ ಬರುತ್ತಾನೆಂದು ತಿಳಿದಿದೆ 

ಅವನು ಬಂದಾಗ ಅವನ ತೋಳ ತೆಕ್ಕೆಯಲ್ಲಿ 

ನನ್ನನ್ನು ನಾನೇ ಮರೆತು ಬಿಡುವೆ ಅದಷ್ಟೇ ಸಾಕು ನನ್ನ ಜೀವಕ್ಕೆ

ಮುನಿಸು

ನನ್ನದೇ ಕೊಠಡಿಯಲ್ಲಿ ನಾ ಏಕಾಂಗಿ 

ಸಾಥ್ ನೀಡುವುದು ಗಣಕಯಂತ್ರ

ಆದರು ಮತ್ತೇನನ್ನೋ ಬಯಸುತ್ತಿದೆ ಮನಸು 

ಸ್ನೇಹಿತರಿಲ್ಲದ ಜೀವನವಲ್ಲ

ಎಲ್ಲ ಸ್ನೇಹಿತರು ಒಂದೇ ಬಾರಿ ನನ್ನ ಮೇಲೆ ಮುನಿಸಿಕೊಂಡ ಹಾಗಿದೆ 

ಸ್ನೇಹಿತ

ನೀನು ಹೆಸರಿಗೆ ಮಾತ್ರ ಸ್ನೇಹಿತ 

ನನ್ನ ತಂದೆ ಸ್ಥಾನದಲ್ಲಿ ನಿಂತು ಬುದ್ದಿ ಹೇಳುತ್ತಿಯ

ತಾಯಿಯಾಗಿ ಸರಿ - ತಪ್ಪುಗಳನ್ನು ತಿಳಿಸುತ್ತಿಯ

ತಮ್ಮನಾಗಿ ಅ ನಿನ್ನ ಚೇಷ್ಟೆಗೆ ಮಿತಿ ಎಲ್ಲಿ 

ಗೆಳೆಯನಾಗಿ ನನ್ನ ಜೋತೆಗಿರುತ್ತಿಯ 

ನಿನ್ನ ಪ್ರತಿಯೊಂದು ಮಾತು ನನ್ನಲಿ ಹೊಸತನವನ್ನು ಮೂಡಿಸುತ್ತದೆ 

ಈ ನಿನ್ನ ಪ್ರತಿಯೊಂದು ಪಾತ್ರಕ್ಕೂ ನಾ ಏನೇ ನೀಡಿದರು ಸರಿ ಹೊಂದಲಾರದು ಕಣೋ.

ಪಂಜರ

ನನ್ನ ಜೀವನ 

ಪಂಜರದಲ್ಲಿ ಸಿಕ್ಕಿಹಾಕಿಕೊಂಡ ಪಕ್ಷಿಯಂತೆ 

ಅಕ್ವೇರಿಯಂನಲ್ಲಿ ಸಿಕ್ಕಿಹಾಕಿಕೊಂಡ ಮೀನಿನಂತೆ 

ಜೈಲಿನಲ್ಲಿ ಸಿಕ್ಕ ಕೈದಿಯಂತೆ

ಹೊರ ಪ್ರಪಂಚ ನೋಡಲಾಗುತ್ತಿಲ್ಲ 

ಸದ್ಯಕ್ಕೆ ನನ್ನ ಮನೆಯಲ್ಲಿ ನಾ ಬಂದಿತಳಾಗಿದ್ದೇನೆ

ನಾನು ಈ ಸಂಕೋಲೆಗಳಿಂದ ಹೊರಬರಬೇಕಾಗಿದೆ 

ಎಷ್ಟೇ ರಾಣಿವಾಸವಾದರೂ ರುಚಿಸುತ್ತಿಲ್ಲ 

ಈ ಬಂದನದಲ್ಲಿ ಜೀವಂತಿಕೆಯ ಕಳೆದುಕೊಳ್ಳುತಿದ್ದೇನೆ.

ಸ್ಪರ್ಶ

ಸಮುದ್ರದ ಅಲೆಗಳಂತೆ ನೀ ಎಷ್ಟು ಸಾರಿ ದೂರ ತಳ್ಳಿದರು 

ನಿನ್ನ ಸ್ಪರ್ಶದಿಂದ ನನ್ನ ಪ್ರೀತಿ ಜೀವಂತಿಕೆ ತಾಳುತಿದೆ .

ಪ್ರೀತಿ ಮೂಡಿದೆ

ಸಮುದ್ರದ ಮಧ್ಯ ಕಲ್ಲಿನಂತಿದ್ದೆ ನಾ

ಅದೆಷ್ಟು ಪ್ರೀತಿಯ ಅಲೆಗಳು ಅಪ್ಪಳಿಸಿದರು ಕರಗದೇ

ಇಂದೆನಾಯಿತೋ ನಾ ಅರಿಯೆ ನಿನ್ನ ಪ್ರೀತಿಯೆಂಬ ಅಲೆ ಅಪ್ಪಳಿಸಿದಕ್ಕೆ 

ಕಲ್ಲು ಕೂಡ ಹೂ ಆಗಿದೆ 

ಆ ಹೂವಲ್ಲಿ ಪ್ರೀತಿಯ ಕನಸು ಮೂಡಿದೆ ಗೆಳೆಯ 

ಪ್ರೀತಿ ಮರೆತವ

ಪ್ರೀಯ ನೀ ಮಾಡಿದ್ದೂ ನಿನಗೆ ಸರಿ ಎನಿಸಬಹುದು 

ಅವಳು ನನಗಿಂತಲೂ ಸುಂದರವಾಗಿರಬಹುದು

ಬಹುಶಃ ನನಗಿಂತ ಹೆಚ್ಚು ಪ್ರೀತಿ ಅವಳು ನೀಡಿರಬಹುದು 

ಆದರೆ ನಾನು ಮಾಡಿದ ದ್ರೋಹವಾದರೂ ಏನು ನಿನಗೆ........ ???

ನನ್ನ ಪ್ರೀತಿಯಲ್ಲಿ ಏನಾದರು ದೋಷವಾ .......... ???

ನಿನ್ನ ಪ್ರೀತಿಯ ನಿರೀಕ್ಷಿಸಿದ್ದು ತಪ್ಪಾ..... ???

ನನಗೆ ತಿಳಿಸದೇ ನೀ ಹೀಗೆ ಮಾಡಿದ್ದೂ ತಪ್ಪಲವೇ ಇನಿಯ .........???

ಮುನಿಸು

ನಿನ್ನ ಪ್ರೀತಿಗೆ ಚಿರಋಣಿ ನಾ

ನನ್ನೀ ಮುನಿಸಿನಿಂದ ನಿನ್ನ ಕೋಪಕ್ಕೆ ಗುರಿ ನಾ

ಕಲ್ಪನೆ

ಕಲ್ಪನೆ ಕೇವಲ ಕವಿಗೆ ಮಾತ್ರ ಸೀಮಿತವಲ್ಲ

ಪ್ರೇಮಿಯು ಕಲ್ಪಿಸಬಲ್ಲ ತನ್ನ ಪ್ರಿಯತಮೇಯ ಬಗ್ಗೆ.

ನಿರೀಕ್ಷಣೆ

ಗೆಳೆಯ ಕಾಯುತಿರುವೆ ನಿನಗಾಗಿ , ನಿನ್ನ ಪ್ರೀತಿಗಾಗಿ

ನಾ ಸಾಯುವವರೆಗೂ ನಿನ್ನ ಬರುವಿಕೆಯ ಎದುರು ನೋಡುತ್ತಾ

ಒಂದಲ್ಲ ಒಂದು ದಿನ ಬಂದು ಸೇರುವೆ

ಈ ನಿನ್ನ ಪ್ರೀತಿ ನಿರೀಕ್ಷಿಸುತ್ತಿರುವ ಕಣ್ಣುಗಳ.

ಆಸೆ

ಜೋಡಿ ಬೆರಳಗುವ ಆಸೆ 

ನಿನ್ನ ಬಿಟ್ಟು ಹೋಗಲಾರದ ಹಾಗೆ

ಕಣ್ಣಿಗೆ ರೆಪ್ಪೆ ಆಗುವ ಆಸೆ 

ನಾ ನಿನ್ನ ಪಾಪೆಯ ರಕ್ಷಿಸುವ ಹಾಗೆ

ನಿನ್ನ ಉಸಿರಾಗುವ ಆಸೆ 

ಶಾಶ್ವತವಾಗಿ ನಿನ್ನ ಜೊತೆ ಇರುವ ಹಾಗೆ .

ಚಂದ್ರನ ಕನಸು

                                          

ನಿನ್ನ ಬಯಸಿದ್ದು ತಪ್ಪಾಯಿತು

ತಿಳಿದು ತಿಳಿದು

ಚಂದ್ರನಿಗೆ ಏಣಿ ಹಾಕಿದಂಗಾಯಿತು

ನಕ್ಷತ್ರಗಳ ಎಣಿಸಲು ಪ್ರಯತ್ನಿಸಿದಂತಾಯಿತು

ಈ ಸತ್ಯ ತಿಳಿದರೂ ಮನವೇಕೊ

ಬಯಸುತಲೇ ಇದೆ ನಿನ್ನನು...!?!

-ಶೈಲೂ

ಪ್ರೇಮ ಕಥೆ

ನನ್ನೀ ಸಂಕುಚಿತ ಮನಸ್ಸಿಗೆ 

ನಿನ್ನಿ ವಿಶಾಲ ಹೃದಯಕ್ಕೆ ಎಲ್ಲಿಂದೆಲ್ಲಿಯ ಸಂಬಂದ 

ಆದರು ಬೆಸೆದಿದ್ದಾನೆ ಆ ದೇವರು ನೂರಾರು ಮೈಲಿಗಳ 

ಅಂತರದಲ್ಲಿ ಹೀಗೊಂದು ಪ್ರೇಮ ಕಥೆಯನ್ನು 

-ಶೈಲೂ